منتديات ملح الحياة وسكرها
مرحبا بك

قد آنآر المنتدى بحظوركـ وتعطر بقدومكـ

نتمنى ان تنضم مع اسرتنا

لـتستفيد ونستفيد من خبراتك وابداعكـ


موقع الكاتبة ملح الحياة
 
الرئيسيةس .و .جبحـثالتسجيلدخولرواياتي

شاطر | 
 

 مليارديرة وابلشتني,,,

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
واحشني مووت
ملح فعال
ملح فعال


انثى
عدد المساهمات : 52
تاريخ التسجيل : 04/02/2011

مُساهمةموضوع: مليارديرة وابلشتني,,,   السبت فبراير 19, 2011 6:10 pm

اعزائي العضوين وكذلك العضوينات <-- امحق تأنيث خخخخخخخخ


في كل لحظة من لحظات الحياة (أجد ان الجمله ليس لامها داعي )



مساء الخير صباب وشبايا (شقلبة الاسماء عشق قديم)





اعزائي المشاهدين حياكم الله في هنا هذا لقد موضوع (اقول انثبر بس )



باختصار وعن بربره والبربره تطلق عادتاً على الناقه التي فقدت بعيرها


وبحكم انها المشاركه الاولى يهمني رأيكم كثير لا انقز على بطني من القهر خخخخخ


في يوم من الايام <-- تبدأ رحلة الهياط



كنت جالساً اتمختر في الاستراحة مع حسين ( هندي رهيب يتواجد لضبط الشاهي والقهوه وما الى ذلك )


وبينما انا منهمك وياعسى كلمة منهمك جبتها صح لاني وربي شاك اني مخطي بها بس الله يستر




المهم اتابع مسلسل ما من المسلسلات وفجئه سمعت صوت الباب يطرق وبحكم الفطنه والدهاء الذي امتلكه استنتجت ان الطارق يريد ان نفتح له الباب -- ياروحي على هيك استنتاج



المهم قلت لصديق عمري حسين قم انقز افتح هذا الباب الذي يطرق الان



فقام ذلك الرائع الرهيب الانيق في لبسه والمتعجرف في خطواته حسين لفتح الباب







وبعد مده لاتزيد عن دقيقه اتاني حسين يركضو ركضاً مبرحاً ويقول بابا فيه حرمه عند الباب





اذكر انه قال هذه الكلمه وانا مندمج على المسلسل وبعدها لقيته يرشرشني بالماء مدري شكلي غفيت شوي من قو الكلمه حرمه عند الباب وانا باستراحه بعد ماصحصحت وانا انقز ذيك النقزه التي لا اعلم مدى قوتها على مقياس رختر



واركض متجهاً الى الباب الذي تم التنويه عنه مسبقاً الذي استخدمته الحرمه للطرق




وافتح الباب والقى سياره كشخه الله العالم مايوجد مثلها بالخليج وانا ابتسم ابتسامه عريضه




واقول امري شبغيتي (الثقل لابد منه )



قالت انت مختبص قلت لا صراحه حسيت بمصيبة قالت طيب سمعت ان هذي استراحة مختبص قلت ايه بس رحل ماسدد الايجار خمس شهور وطردوه قعدت تضحك ضحكه شايفها بمسلسل لميس ضحكه كانت مخلوطه بدلع البنات الي نشوفهم بالتلفزيون مو بعض الضحك الي يجيب الهم والغرابيل تخاف اول ماتضحك تزرطك خخخخخ


قالت اوكي اسفه اخوي كنت ابي مختبص قلت طيب شتبين فيه انا اعرفه واعرف وينه فيه قلبي قعد يحكني الا اعرف قالت تكفى طلبتك دلني فيه ابيه ظروري قلت ليش هو حاذف سيارتكم بالبيض ومنحاش <-- خابر بلاويه


قالت لا بالعكس انا ابيه لانه عسل وانا اشهق ذيك الشهقه (الشهقه نوع من انواع العطسه الي ماتطلع وتنشب خخخ) خرعت سواقها من قوها وانا احذف الشماغ عشرين يارده خارج منطقة الجزاء واقول ابشري والله بعزك <-- زورو خخخخخخخخخ


انا مختبص وهي تقول يؤيؤ (اذوب عند يؤيؤ) بذمتك انت مختبص قلت ايه امري فجئه الا ثنتين خالات طلعو مع الشباك وقالو اركب بسرعه قلت شتبون قالو اركب وانت ساكت


قلت ليش وش سويت قالت البنت سمعتهم شقالو اركب يعني اركب ولاتطولها




<--- يالليل القراده



قلت طيب ابي اجيب شغله واجيكم قالت لو تحركت وماركبت الحين لاتلوم الا نفسك (عملية اختطاف )





وانا انقز معاهم واركب اول ماركبت وحده من الخالات حطت السكين على رقبتي وقالت اي كلمه راح اطلق النار (اما تطلق النار )


قلت زين ماراح اقول شي




وهم يمشون وانا ساكت طول الطريق






فجئه وقفت السياره عند مطعم وقالت البنت انزل معاي نبي نتعشاء






قلت وكل هذا علشان تعشيني الله يقطع حضرت معاليك خرعتيني وقعدت تضحك نفس الضحكه سابقة الذكر





المهم نزلنا وانا اركض ابي اقعد على الكرسي الي جنبه بنتين <-- قلبه خضر هههههههه



وهي تنحنح قلت تعالي مافيه رجال حياك (خوش فهم ) قالت وين سبقتني وانا عازمتك بعدين انا بنت ياخي افهم وحسسني بالشي هذا وطلع لي الكرسي علشان اقعد بعدين اقعد انت



قلت معصي عازمتني تبين تذليني عاد قالت هذا الاتيكيت افهم لاتحرجني قلت خلاص عاد الحين قعدت والله عاجسن لاقوم اقعدي والا ابي اطسس <-- قعد يكشخ خخخخخخ




وهي تقعد وضغطها مرتفع قليلاً وفجئه جاء القرسون ذاك الولد الاشقر الي يمصع عروق القلب من زينه وقال تفضلو قالت لي اطلب شتبي عشاء قلت لازم استغل الموقف واخسرها هذي بنت فسقانه وفلوسها واجد وانا اطلب صيخ كباب ابو عشر تريل مع سفن اب وحمص وهي الملعونه تغير الطلب قالت لاتجيب خلاص حست اني خسرتها كثير وانا اضحك ضحكة المكر والدهاء واقول بقلبي احرجتها بالطلب القوي وهي تقول للقرسون جيب له الاكل الفلانيه اسمها بالانقليزي ماعرفت احفظه من صعبه




وبعد شوي وهو يجينا الطلب وهي تعطيه 500 ريال وقالت له خل الباقي لك وانا اصفق على جبهتي واقول وش هذا عطيني الفلوس ومابي الاكل خلاااص والعالم يناظرون ويضحكون مدري وش بلاهم






المهم خلصنا من الاكل الله يزيد النعمه ماينوكل



وحنا نطلع للسياره والخالات في انتظاري ياعيني







ونركب السياره ونمشي وهي تقولي اسمع الحوسه الي قبل شوي سويتها لاتكررها الحين طالعين لحفله جماعيه ياليت تعقل شوي ولاتحرجني قلت ولايهمك افا عليك بس اعجبك ترى




المهم وحنا نروح للحفله وندخل ذاك القصر الي يهول العقل ياكبره كبراه والعالم جالسين على طوايل قهر مافيه مشب خخخخخخخخخخخخخخخخ



وحنا ندخل الا ذيك البنت الي جتنا وقالت ياهلا وغلا فيكم قلت هلا فيك يالاجوديه انشهد انك راعية واجب طال عمرك والي جنبي ترجع وتستخدم عملية التنحنح شكيت اني جبت العيد





وانا اغمز لها وش السالفه قالت لي بصوت قصير لاتكلم يرحم والديك قلت ابشري



وهي ترد على صديقتها وقالت هلاا فيك والله ومعليش اسفه اني تأخرت بس تعرفين مختبص كان مشغول شوي وعلشان كذا تأخرنا قلت تسذب والله ماني مشغول تبي تحط تأخيرها براسي وهي ترفسني رفسه ناعمه على رجلي وانا اقول ايه صح تعرفين الواحد الي اشغاله واجد مايفضى (نوع من انواع المهايط ) قالت ولايهمكم اهم شي انكم شرفتونا



المهم قعدنا على طاوله وجابو لنا انواع الحلويات ادور تمره ابي اقدع مالقيت المهم اكلنا من الخيرات الي على الطاوله


فجئه الكهرب طفى علينا وانا امسك جوالي ابي اكشخ شوي وادق على شركة الكهرباء واقول ياخي ليش دايم تطفون علينا الكهرباء عندنا ضيوف وانتم احرجتونا ورافع صوتي من زود الدلاخه ابي اكشخ يعني اعرف واحد بشركة الكهرباء وهي تصفقني على رجلي وتقول اسكت هم طفو الكهرباء يبون يولعون شمعات يرحم امك خلاص لاتموتني قهر قلت افاا وانا ابي اكشخ قدامكم



المهم خلصت الحفله وطلعنا للسياره



قالت انت الحين تدري وش ابي فيك وليش جيت وقلت لك اركب معاي


مو على شان سواد عيونك والا اني اموت عليك انت ووجهك




قلت ليش شتبين




فجئه وهو يصير علينا حادث وتموت البنت والخالات والسواق وبقيت لحالي




الي قاهرني مدري وش كانت تبي هههههههههههههههههههههههه


هههههههههههههههههههههههه





اسف عزيزي القارى لو حصل وانقهرت ترى الامور سهالات اغسل يديك بالصابون حفاظاً عن تفشي وباء انفلونزا البعارين خخخخخخخخخخخخخخخخخخ <-- اقول طسس بس




والسلام 0
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كلي احساس
الإدآرهـ
avatar

انثى
عدد المساهمات : 139
تاريخ التسجيل : 18/06/2009
العمر : 27

مُساهمةموضوع: رد: مليارديرة وابلشتني,,,   الخميس فبراير 24, 2011 11:52 pm

هههههههههههههه


يسلمووو واحشني

_________________
.....مخنوٍقة يمّـه، وٍ أحس الخنقة هدّتنـيْ . . ! ....مكسوٍرٍقلبيْ . . وٍ ع'ـَينيّ مدرٍي وٍش فيهآ ! وٍ دموٍع'ـَيْ آلليْ غ'ـَصْب ع'ـَن ع'ـَينيْ بگتنيّ. . ....ملّيت أغ'ـَمّض جفوٍنيّ { . . لجل أدآرٍيهــآ ! ! [[آآآهــ]] لوو حلمي يتحقق..! كـآإن يسكن هـ ــآلفرح]حزن ــآلزوــآيآ] . .ويمتلي هــ ـآلكون /فرحهـ يـآإأرب حقق ــآحلآمنآ ترى ــآلوآقع . . ]قهرنآـآـآ آ].
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مليارديرة وابلشتني,,,
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ملح الحياة وسكرها :: ملــــــــ الترفيه ــــــــح :: مـــــلــــــــ الجنون ...الضحك والصرقعة ــــــــح-
انتقل الى: